قبض خونی و بادی بواسیر

قبض اور خونی و بادی بواسیر کا علاج:۔

تیزمرچ مصالحوں، زیادہ چکنائی، مسور کی دال، بڑے گوشت اور دیگر بادی اشیأ سے مکمل پرہیز کریں۔ بکرے کے گوشت کا شوربہ، لوکی (پیغمبری کدو)، مولی، مونگ کی پتلی دال، کھچڑی، زیتون کا تیل مفید ہے۔ نسخہ نمبر 1 لازمی استعمال کریں، اس کے علاوہ دیگر نسخوں میں سے کوئی سا نسخہ بھی ساتھ استعمال کرلیں۔

۔۱۔ سرسوں کے تیل کو دن میں دو یا تین بار ناف، نتھنوں اور مقعد میں لگائیں۔ ہمیشہ قبض، سانس کی الرجی، قبض اور بواسیر جیسی بیماریوں سے حفاظت رہے گی۔
۔۲۔ مغز کرنجوہ ایک عدد پیس کر صبح نہار منہ ایک ماہ تک استعمال کریں اور مسواک پانچوں وقت کریں۔ جو حضرات ویسے اسے نہ کھا سکیں کیپسول میں بھر کر استعمال کر سکتے ہیں۔ تازہ پانی کے ساتھ اسکا استعمال کریں۔
۔۳۔ میتھی دانہ ۲۵۰ گرام، چھوٹی الائچی ۲۵۰ گرام لے کر پیس لیں۔ روزانہ صبح و شام ایک چائے کا چمچہ پانی کے ساتھ لیں۔
۔۴۔ ہلدی ۲۵ گرام، سونف ۲۵ گرام، ملٹھی ۲۵ گرام، رسونت ۱۰ گرام۔۔۔ تمام اجزأ کو صاف کر کے باریک پیس لیں اور شیشی میں رکھ لیں۔ ایک چائے کا چمچ صبح و شام دودھ یا لسی کے ساتھ استعمال کریں۔
۔۵۔ خشک آملہ آٹھ گرام پیس کر چھان لیں اور ایک گلاس گائے کے دودھ میں ملا لیں۔ اس میں دو چمچ شہد ملا کر استعمال کریں۔ ایک ہفتہ استعمال کریں۔
۔۶۔ پیٹھا کدو کے چھلکے سائے میں خشک کرکے باریک پیس لیں۔ صبح و شام چھ سے بارہ گرام تک تازہ پانی کے ساتھ لیں۔ یہ خونی پیچش کا بھی علاج ہے۔
۔۷۔ چھلکا ریٹھا ۵۰ گرام، گوند کتیرا ۵۰ گرام دونوں اکٹھے کوٹ پیس کر ہلکا گرم پانی ملا کر چنے کے برابر گولیاں بنالیں۔ ایک گولی صبح و شام کھانے سے پہلے ہمراہ تازہ پانی کھا لیں۔ دن میں تین بار بھی لے سکتے ہیں۔ پندرہ دن مسلسل استعمال کریں۔ شوگر کے مریضوں کا بھی علاج ہے۔
۔۸۔ مغز تخم نیم، فلفل سفید ہموزن لے کر پیس کر چنے کے دانے کے برابر گولیاں بنا لیں۔صبح ، دوپہر، شام کھانے کے ایک گھنٹہ بعد ہمراہ تازہ پانی لیں۔
۔۹۔ مولی کے اوپر والے چھلکے خشک کر لیں۔ ۱۵۰ گرام خشک چھلکوں میں ۵۰ گرام چینی ڈال کرپیس لیں۔ صبح نہار منہ ایک چائے والا چمچ تازہ پانی کے ساتھ لیں۔ ایک ماہ تک استعمال کریں۔
۔۱۰۔ نیم کے پتے ۲۵۰ گرام، اچھی طرح دھو کر صاف کر کے کسی برتن میں ۲ کلو پانی ڈال کر بھگو دیں۔ اور صبح کو ان پتوں کو اسی پانی میں ہلکی آنچ پر پکائیں۔ جب سارہ پانی خشک ہو جائے تو ہلکے کالے رنگ کا گاڑھا لیس دار مادہ بننے پر ٹھنڈا ہونے دیں اور پھر کالے چنے کے برابر گولیاں بنا لیں۔ رات سوتے وقت دو گولیاں تازہ پانی سے لیں۔ ایک ماہ تک استعمال کریں۔
۔۱۱۔ شام کے وقت تین یا پانچ انجیر کو اچھی طرح دھو کر آدھا کپ پانی میں بھگو دیں، اور صبح نہار منہ کھا کر اوپر سے اس کا پانی بھی پی لیں۔
۔۱۲۔ چھلکا ریٹھہ 5 تولہ، کتھ سفید 5 تولہ، سفوف بنالیں۔ ایک چھوٹا کیپسول شام کو ہمراہ ملائی دیں۔ پندرہ دن استعمال کریں۔
۔۱۳۔ پھٹکڑی سفید6 تولہ، مقطر مولی کا پانی 1 کلو، رسول 5 تولہ، کا نتھرا ہوا پانی ڈیڑھ کلو ۔ پھٹکڑی باریک کر کے مولی کے پانی میں پکائیں جب آدھا رہ جائے تو رسول والا پانی ڈال دیں۔ گاڑھا ہونے پر گولیاں بنالیں۔ خوراک 1,2 گولی صبح ہمراہ مکھن اور دہی کی لسی سے لیں کم ازکم پندرہ دن استعمال کریں۔
۔۱۴۔ فجر کی دو سنتوں میں پہلی رکعت میں سورۃ الم نشرح، اور دوسری رکعت میں سورۃ فیل پڑھا کریں۔
۔۱۵۔ سات یوم تک دن میں تین مرتبہ سورۃ القدر کو گیارہ مرتبہ پڑھ کر پانی پر دم کر کے پی لیں